Emozioak eta Haurrak

Benetan lagungarria da haurrengan txiki-txikitatik emozioen ezagutza eta erabileraren trebakuntzari lotutako ohiturak bultzatzea. Horretarako, ezinbestekoa da eskolen zein gurasoen partehartzea, inplikazioa eta lana.

Adimen emozionalaren garapenari esker haurrak hobeto jasan ahal izango ditu bere bizitzan eman daitezkeen aldaketek (gurasoen banaketak, heriotzak, etxe-aldaketak, ...) sortutako frustrazioak, horiei aurre egitea ahalbidetuz. Era berean, etorkizunean, besteekiko erlazioen garapen hobea izatea ahalbidetzen du, bai arlo familiarrean, bai sozialean eta bai lan arloan.

Ikasleekin emozio ezberdinak lantzeko ipuin oso interesgarria proposatzen dizuet, “Pozik”. Hala ere, material anitz aurkitu eta aukeratu dezakegu. 

 “Mundura sortzen garen unetik, sentimenduak ditugu. Batzuetan atseginak, bestetan gogaikarriak. Liburu honetan murgildu ahala, arraintxoek jakin-mina izatetik triste izatera eramango gaituzte, baita ausart, lotsati, harro, haserre, eta, azkenik, zoriontsu izatera ere. Pozik liburuak aukera ematen digu guztioi, helduoi zein txikioi, gure sentimenduak ikusteko, gozatzeko eta haiei buruz mintzatzeko.”